ਬੂਟਾ ਮੰਡੀ ਨੇੜੇ ਪਏ ਕੂੜੇ ਨੂੰ ਲੱਗੀ ਭਿਆਨਕ ਅੱ+ਗ, 10ਫਾਇਰ ਬ੍ਰਿਗੇਡ ਗੱਡੀਆਂ ਕਾਬੂ ਪਾਉਣ 'ਚ ਲੱਗੀਆਂ

2Nov,2023

ਜਲੰਧਰ ਤੋਂ ਇਸ ਸਮੇਂ ਵੱਡੀ ਖਬਰ ਜਿੱਥੇ ਬੂਟਾ ਮੰਡੀ ਨੇੜੇ ਇੱਕ ਪਲਾਟ ਦੇ ਵਿੱਚ ਪਏ ਕੂੜੇ ਨੂੰ ਭਿਆਨਕ ਅੱਗ ਲੱਗ ਗਈ। ਜੋ ਕਿ ਅੱਗੇ-ਅੱਗੇ ਹੀ ਵੱਧਦੀ ਜਾ ਰਹੀ ਹੈ। ਅੱਗ 'ਤੇ ਕਾਬੂ ਪਾਉਣ ਲਈ ਫਾਇਰ ਬ੍ਰਿਗੇਡ ਦੀ ਟੀਮ ਪਿਛਲੇ ਕਈ ਘੰਟਿਆਂ ਤੋਂ ਸਖ਼ਤ ਮਿਹਨਤ ਕਰ ਰਹੀ ਹੈ ਪਰ ਅੱਗ ਲਗਾਤਾਰ ਵਧਦੀ ਜਾ ਰਹੀ ਹੈ।

ਘਟਨਾ ਵਾਲੇ ਸਥਾਨ ਉੱਤੇ ਫਾਇਰ ਬ੍ਰਿਗੇਡ ਦੀਆਂ ਕਰੀਬ 10 ਗੱਡੀਆਂ ਪਹੁੰਚ ਗਈਆਂ ਹਨ।ਮਿਲੀ ਜਾਣਕਾਰੀ ਅਨੁਸਾਰ ਖਾਲੀ ਪਲਾਟ ਵਿੱਚ ਜੁੱਤੀਆਂ, ਫੁੱਟਬਾਲ ਦਾ ਕੂੜਾ ਕਰਕਟ ਆਦਿ ਅਤੇ ਹੋਰ ਸਾਮਾਨ ਪਿਆ ਹੈ। ਰਬੜ ਦੀਆਂ ਚੀਜ਼ਾਂ ਹੋਣ ਕਰਕੇ ਅੱਗ ਕਾਬੂ ਦੇ ਵਿੱਚ ਨਹੀਂ ਆ ਰਹੀ ਹੈ। ਪਲਾਟ ਦੇ ਮਾਲਕ ਦਾ ਕਹਿਣਾ ਹੈ ਕਿ ਇਹ ਵੇਸਟੀਜ ਮੇਰੇ ਦੋਸਤ ਦਾ ਹੈ ਅਤੇ ਉਹ ਬਾਹਰ ਗਿਆ ਹੋਇਆ ਹੈ।

ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਮਾਲਕ ਨੂੰ ਜੇਸੀਬੀ ਲਿਆਉਣ ਲਈ ਕਿਹਾ ਹੈ ਪਰ ਅਜੇ ਤੱਕ ਜੇਸੀਬੀ ਨਹੀਂ ਆਈ। ਧੂੰਆਂ ਆਸ-ਪਾਸ ਦੇ ਘਰਾਂ 'ਚ ਵੀ ਦਾਖਲ ਹੋ ਰਿਹਾ ਹੈ, ਜਿਸ ਕਾਰਨ ਲੋਕ ਪ੍ਰੇਸ਼ਾਨ ਹਨ।