ਡੌਨ 3 ’ਚ ਐਂਟਰੀ ਕਰਨ ਤੋਂ ਬਾਅਦ ਕਿਆਰਾ ਅਡਵਾਨੀ ਪਹਿਲੀ ਵਾਰ ਹੋਈ ਸਪਾਟ, ਕਿਲਰ ਲੁੱਕ ਦੇਖ ਕੇ ਫਿਦਾ ਹੋਏ ਫੈਨਜ਼

23/02/2024

ਕਿਆਰਾ ਅਡਵਾਨੀ ਦੇ ਖਾਤੇ 'ਚ ਕਈ ਸੁਪਰਹਿੱਟ ਬਾਲੀਵੁੱਡ ਫਿਲਮਾਂ ਦਰਜ ਹਨ। ਹੁਣ ਉਹ ਡੌਨ ਯੂਨੀਵਰਸ ਦਾ ਵੀ ਹਿੱਸਾ ਬਣ ਗਈ ਹੈ। ਹਾਲ ਹੀ ਵਿੱਚ ਨਿਰਮਾਤਾਵਾਂ ਨੇ ਉਸ ਨੂੰ ਡੌਨ 3 ਵਿੱਚ ਮੁੱਖ ਅਦਾਕਾਰਾ ਵਜੋਂ ਕਾਸਟ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਐਲਾਨ ਤੋਂ ਬਾਅਦ, ਅਦਾਕਾਰਾ ਹੁਣ ਪਹਿਲੀ ਵਾਰ ਮੀਡੀਆ ਵਿੱਚ ਸਪਾਟ ਹੋਈ।

ਡੌਨ 3 ਦੀ ਚਰਚਾ ਦੇ ਵਿਚਕਾਰ ਕਿਆਰਾ ਅਡਵਾਨੀ ਦਾ ਤਾਜ਼ਾ ਵੀਡੀਓ ਪ੍ਰਸ਼ੰਸਕਾਂ ਵਿੱਚ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਖੂਬਸੂਰਤ ਕਿਆਰਾ ਦੀ ਸਿਜ਼ਲਿੰਗ ਲੁੱਕ ਅੱਖਾਂ ਨੂੰ ਖਿੱਚਣ ਵਾਲੀ ਹੈ।

• ਡੌਨ ਦਾ ਨਵਾਂ ਯੁੱਗ

ਕਿਆਰਾ ਅਡਵਾਨੀ ਨੂੰ ਹਾਲ ਹੀ 'ਚ ਐਕਸਲ ਐਂਟਰਟੇਨਮੈਂਟ ਦੇ ਦਫ਼ਤਰ ਦੇ ਬਾਹਰ ਦੇਖਿਆ ਗਿਆ। ਦਰਅਸਲ, ਡੌਨ 3 ਇਸ ਪ੍ਰੋਡਕਸ਼ਨ ਹਾਊਸ ਦੇ ਬੈਨਰ ਹੇਠ ਬਣ ਰਹੀ ਹੈ, ਜਿਸ ਦੇ ਮਾਲਕ ਫਰਹਾਨ ਅਖਤਰ ਹਨ। ਡੌਨ ਫਰੈਂਚਾਇਜ਼ੀ ਵਿੱਚ ਸ਼ਾਮਲ ਡੌਨ ਤੇ ਡੌਨ 2 ਦਾ ਉਨ੍ਹਾਂ ਨੇ ਨਿਰਦੇਸ਼ਨ ਕੀਤਾ ਸੀ। ਇਸ ਦੇ ਨਾਲ ਹੀ ਹੁਣ ਉਹ ਡੌਨ 3 ਨੂੰ ਡਾਇਰੈਕਟ ਕਰਨ ਜਾ ਰਹੇ ਹਨ।

• ਕਿਆਰਾ ਦੀ ਕਿਲਰ ਲੁੱਕhttps://www.instagram.com/reel/C3o_qJhrLhU/?utm_source=ig_embed&ig_rid=c076d477-c902-4231-9ffd-df64d06e2643

ਜਿਵੇਂ ਹੀ ਕਿਆਰਾ ਅਡਵਾਨੀ ਐਕਸਲ ਐਂਟਰਟੇਨਮੈਂਟ ਦੇ ਦਫ਼ਤਰ 'ਚ ਦਾਖਲ ਹੋ ਰਹੀ ਸੀ ਤਾਂ ਉਸ ਦੀ ਨਜ਼ਰ ਬਾਹਰ ਖੜ੍ਹੇ ਪਾਪਰਾਜ਼ੀ 'ਤੇ ਪਈ। ਅਭਿਨੇਤਰੀ ਤੁਰੰਤ ਰੁਕ ਗਈ ਤੇ ਮੁਸਕਰਾਈ ਤੇ ਕੈਮਰੇ ਲਈ ਪੋਜ਼ ਦਿੱਤਾ। ਕਿਆਰਾ ਵਾਈਟ ਟਰਾਊਜ਼ਰ ਤੇ ਬ੍ਰਾਊਨ ਟਾਪ ਪਹਿਨ ਕੇ ਕਾਫੀ ਸਟਾਈਲਿਸ਼ ਲੱਗ ਰਹੀ ਸੀ।

• ਸ਼ਾਹਰੁਖ ਨੂੰ ਰਣਵੀਰ ਨੇ ਕੀਤਾ ਰਿਪਲੇਸ

ਡੌਨ ਇੱਕ ਸੁਪਰਹਿੱਟ ਫਰੈਂਚਾਇਜ਼ੀ ਹੈ। ਫਿਲਮ ਦੇ ਪਹਿਲੇ ਦੋ ਭਾਗਾਂ ਨੂੰ ਕਾਫੀ ਪਿਆਰ ਮਿਲਿਆ ਸੀ। ਹੁਣ ਪ੍ਰਸ਼ੰਸਕ ਡੌਨ 3 ਦਾ ਇੰਤਜ਼ਾਰ ਕਰ ਰਹੇ ਹਨ। ਇਸ ਯੂਨੀਵਰਸ ਦੀ ਪਹਿਲੀ ਫਿਲਮ 1978 ਵਿੱਚ ਆਈ ਸੀ, ਜਿਸ ਵਿੱਚ ਅਮਿਤਾਭ ਬੱਚਨ ਨੇ ਇੱਕ ਡੌਨ ਦੀ ਭੂਮਿਕਾ ਨਿਭਾਈ ਸੀ। ਇਸ ਤੋਂ ਬਾਅਦ ਸਾਲ 2006 'ਚ ਫਰਹਾਨ ਅਖਤਰ ਨੇ ਸ਼ਾਹਰੁਖ ਖਾਨ ਨਾਲ ਨਵੇਂ ਜ਼ਮਾਨੇ ਦੇ ਡੌਨ ਨਾਲ ਵਾਪਸੀ ਕੀਤੀ। ਪਹਿਲੀ ਫਿਲਮ ਹਿੱਟ ਰਹੀ, ਇਸ ਲਈ ਨਿਰਦੇਸ਼ਕ ਨੇ 2011 ਵਿੱਚ ਡੌਨ 2 ਰਿਲੀਜ਼ ਕੀਤੀ। ਇਸ ਦੇ ਨਾਲ ਹੀ ਹੁਣ ਉਹ ਰਣਵੀਰ ਸਿੰਘ ਨਾਲ ਡੌਨ ਦੇ ਨਵੇਂ ਦੌਰ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ।