ਮੁਸ਼ਕਲ 'ਚ ਅੰਕਿਤਾ ਦਾ ਵਿਆਹ? ਵਿੱਕੀ ਨੇ ਕਹੀ ਅਜਿਹੀ ਗੱਲ ਕਿ ਰੋ ਪਈ ਅਦਾਕਾਰਾ

12/12/2023

ਵਿਵਾਦਤ ਸ਼ੋਅ 'ਬਿੱਗ ਬੌਸ' ਦੇ ਇਸ ਸੀਜ਼ਨ 'ਚ ਵਿੱਕੀ ਜੈਨ ਅਤੇ ਅੰਕਿਤਾ ਲੋਖੰਡੇ ਵਿਚਾਲੇ ਜ਼ਬਰਦਸਤ ਲੜਾਈ ਦੇਖਣ ਨੂੰ ਮਿਲੀ। ਸੋਸ਼ਲ ਮੀਡੀਆ 'ਤੇ ਅਕਸਰ ਬੇਬਾਕ ਤਸਵੀਰਾਂ ਸ਼ੇਅਰ ਕਰਨ ਵਾਲੇ ਇਸ ਜੋੜੇ ਦੇ ਰਿਸ਼ਤੇ ਦੀਆਂ ਪਰਤਾਂ 'ਬਿੱਗ ਬੌਸ 17' 'ਚ ਸਾਹਮਣੇ ਆਈਆਂ ਹਨ। ਹਾਲਾਂਕਿ ਪ੍ਰਸ਼ੰਸਕਾਂ ਨੂੰ ਦੋਵਾਂ ਵਿਚਕਾਰ ਪਿਆਰ ਦੇਖਣ ਨੂੰ ਮਿਲਿਆ ਪਰ ਜੋੜੇ ਦੇ ਵਿਚਕਾਰ ਝਗੜੇ ਨੇ ਉਨ੍ਹਾਂ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਇਸ ਦੌਰਾਨ ਸ਼ੋਅ ਦਾ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ, ਜਿਸ 'ਚ ਯੂਜ਼ਰਜ਼ ਅੰਕਿਤਾ ਨੂੰ ਰੋਂਦਿਆਂ ਦੇਖ ਹੈਰਾਨ ਰਹਿ ਗਏ।

ਵਿੱਕੀ-ਅੰਕਿਤਾ ਦਾ ਹੋਇਆ ਝਗੜਾ

'ਬਿੱਗ ਬੌਸ 17' ਦੇ ਹਾਲ ਹੀ ਦੇ ਐਪੀਸੋਡ ਵਿਚ ਕੋਰੀਅਨ ਸਿੰਗਰ ਔਰਾ (Aoora) ਦੀ ਐਂਟਰੀ ਦਿਖਾਈ ਗਈ। ਉਸ ਦੇ ਆਉਣ ਤੋਂ ਬਾਅਦ ਘਰ ਦਾ ਮਾਹੌਲ ਕੁਝ ਖ਼ੁਸ਼ਗਵਾਰ ਹੋ ਗਿਆ। ਹਾਲਾਂਕਿ ਹੁਣ ਪ੍ਰਸ਼ੰਸਕਾਂ ਨੂੰ ਉਹੀ ਪੁਰਾਣਾ ਝਗੜਾ ਫਿਰ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਇਸ ਵਾਰ ਇਹ ਬਹੁਤ ਜ਼ਿਆਦਾ ਸੀ। ਤਾਜ਼ਾ ਪ੍ਰੋਮੋ 'ਚ ਦੇਖਿਆ ਜਾ ਸਕਦਾ ਹੈ ਕਿ ਵਿੱਕੀ ਅੰਕਿਤਾ ਨਾਲ ਸਾਰਿਆਂ ਦੇ ਸਾਹਮਣੇ ਬੇਰਹਿਮੀ ਨਾਲ ਪੇਸ਼ ਆਉਂਦਾ ਹੈ। ਉਹ ਅੰਕਿਤਾ ਨਾਲ ਇੰਨੀ ਬੁਰੀ ਤਰ੍ਹਾਂ ਬਦਸਲੂਕੀ ਕਰਦਾ ਹੈ ਕਿ ਅਦਾਕਾਰਾ ਆਪਣੇ ਹੰਝੂਆਂ 'ਤੇ ਕਾਬੂ ਨਹੀਂ ਰੱਖ ਪਾਉਂਦੀ।

ਦਰਅਸਲ ਵਿੱਕੀ ਖਾਨਜ਼ਾਦੀ ਦੇ ਕੁਕਿੰਗ ਹੁਨਰ ਦੀ ਤਾਰੀਫ ਕਰਦਿਆਂ ਅੰਕਿਤਾ ਨੂੰ ਤਾਅਨਾ ਮਾਰਦਾ ਹੈ। 'ਪਵਿੱਤਰ ਰਿਸ਼ਤਾ' ਦੀ ਅਦਾਕਾਰਾ ਇਸ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦੀ। ਅੰਕਿਤਾ ਖਾਨਜਾਦੀ ਤੋਂ ਕੁਕਿੰਗ ਟਿਪਸ ਲੈ ਰਹੀ ਹੈ। ਫਿਰ ਵਿੱਕੀ ਖਾਨਜਾਦੀ ਨੂੰ ਖੁਦ ਖਾਣਾ ਬਣਾਉਣ ਲਈ ਕਹਿੰਦਾ ਹੈ। ਇਸ 'ਤੇ ਅੰਕਿਤਾ ਨੇ ਜਵਾਬ ਦਿੱਤਾ ਕਿ ਉਹ ਚੰਗੀ ਡਿਸ਼ ਵੀ ਬਣਾ ਸਕਦੀ ਹੈ ਪਰ ਦੋਵਾਂ ਵਿਚਕਾਰ ਲੜਾਈ ਹੋ ਜਾਂਦੀ ਹੈ ਅਤੇ ਵਿੱਕੀ ਅੰਕਿਤਾ ਨੂੰ ਕਹਿੰਦਾ ਹੈ, 'ਖਾਨਜਾਦੀ ਤੁਹਾਡੇ ਨਾਲੋਂ ਵਧੀਆ ਪਕਾਉਂਦੀ ਹੈ।'

ਅੰਕਿਤਾ ਨੂੰ ਇਸ ਗੱਲ ਦਾ ਬੁਰਾ ਲੱਗਦਾ ਹੈ। ਉਹ ਕਹਿੰਦੀ ਹੈ ਕਿ ਮੇਰੇ ਹੱਥ ਵਿਚ ਖਾਣਾ ਨਹੀਂ ਹੈ। ਇਸ 'ਤੇ ਵਿੱਕੀ ਕਹਿੰਦਾ ਹੈ, 'ਤੂੰ ਤਿੰਨ ਸਾਲਾਂ 'ਚ ਕੀ ਬਣਾਇਆ ਹੈ?' ਅੰਕਿਤਾ ਕਹਿੰਦੀ ਹੈ ਕਿ ਬਣਾ ਰਹੀ ਸੀ ਪਿਆਰ ਨਾਲ । ਵਿੱਕੀ ਕਹਿੰਦਾ ਹੈ, 'ਪਿਆਰ ਮਿਸਿੰਗ ਹੈ। ਕੋਈ ਜ਼ਰੂਰਤ ਨਹੀਂ। 100 ਲੋਕ ਸੁਣ ਰਹੇ ਹੋਣਗੇ, 100 ਲੋਕ ਦੇਖ ਰਹੇ ਹੋਣਗੇ। ਇੱਜ਼ਤ ਨਾਲ ਗੱਲ ਕਰੋ, ਨਹੀਂ ਤਾਂ ਗੱਲ ਨਾ ਕਰੋ।'

ਪ੍ਰਸ਼ੰਸਕਾਂ ਨੇ ਆਪਣਾ ਗੁੱਸਾ ਕੀਤਾ ਜ਼ਾਹਿਰ

ਵਿੱਕੀ ਜੈਨ ਦਾ ਆਪਣੀ ਪਤਨੀ ਪ੍ਰਤੀ ਇਹ ਵਿਹਾਰ ਪ੍ਰਸ਼ੰਸਕਾਂ ਨੂੰ ਪਸੰਦ ਨਹੀਂ ਆਇਆ। ਇਕ ਯੂਜ਼ਰ ਨੇ ਲਿਖਿਆ, 'ਮੈਂ ਅੰਕਿਤਾ ਦਾ ਪ੍ਰਸ਼ੰਸਕ ਨਹੀਂ ਹਾਂ... ਪਰ ਮੈਂ ਇਹ ਜ਼ਰੂਰ ਕਹਾਂਗਾ ਕਿ ਵਿੱਕੀ ਤੁਸੀਂ ਉਸ ਦੇ ਲਾਇਕ ਨਹੀਂ ਹੋ। ਲੜਾਈ ਤੋਂ ਬਾਅਦ ਵੀ ਉਸ ਨੇ ਤੁਹਾਡਾ ਪੱਖ ਲਿਆ ਕਿਉਂਕਿ ਉਹ ਤੁਹਾਨੂੰ ਪਿਆਰ ਕਰਦੀ ਹੈ। ਇੱਥੇ ਮੁਹੱਬਤ ਉਹਦੇ ਪਾਸਿਓਂ ਨਹੀਂ, ਤੇਰੇ ਪਾਸਿਓਂ ਗੁੰਮ ਹੈ.. ਇਸ ਦਾ ਮਤਲਬ ਹੈ ਕਿ ਜ਼ਿੰਦਗੀ ਬਾਹਰ ਵੀ ਹੈ।