ਮਸ਼ਹੂਰ ਟੀਵੀ ਅਦਾਕਾਰਾ ਨੇਹਾ ਬੱਗਾ ਨੇ ਬੁਆਏਫਰੈਂਡ ਨਾਲ ਚੋਰੀ-ਚੁਪਕੇ ਕਰਵਾਇਆ ਵਿਆਹ

10/11/2023

'ਬਾਣੀ ਇਸ਼ਕ ਦਾ ਕਲਮਾ' ਫੇਮ ਅਦਾਕਾਰਾ ਨੇ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਰੇਸਟੀ ਕੰਬੋਜ ਨਾਲ ਗੁਪਤ ਵਿਆਹ ਕਰ ਲਿਆ ਹੈ। ਨੇਹਾ ਨੇ ਸੋਸ਼ਲ ਮੀਡੀਆ 'ਤੇ ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਨੇਹਾ ਅਤੇ ਰੇਸਟੀ ਦਾ ਵਿਆਹ ਸ਼ਿਮਲਾ ਵਿੱਚ ਹੋਇਆ ਸੀ। ਇਸ ਗੁਪਤ ਵਿਆਹ 'ਚ ਉਨ੍ਹਾਂ ਦਾ ਪਰਿਵਾਰ ਅਤੇ ਕੁਝ ਖਾਸ ਦੋਸਤ ਸ਼ਾਮਲ ਹੋਏ। ਨੇਹਾ ਨੇ ਆਪਣੇ ਵਿਆਹ ਵਿੱਚ ਪੇਸਟਲ ਰੰਗ ਦਾ ਲਹਿੰਗਾ ਪਾਇਆ ਸੀ ਅਤੇ ਰੇਸਟੀ ਨੇ ਸਫੇਦ ਰੰਗ ਦੀ ਸ਼ੇਰਵਾਨੀ ਪਹਿਨੀ ਸੀ। ਵਿਆਹ ਦੇ ਕੱਪੜਿਆਂ 'ਚ ਦੋਵੇਂ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ। ਤਸਵੀਰਾਂ 'ਚ ਨੇਹਾ ਅਤੇ ਰੇਸਟੀ ਇਕ-ਦੂਜੇ ਵੱਲ ਦੇਖ ਕੇ ਮੁਸਕਰਾਉਂਦੇ ਨਜ਼ਰ ਆ ਰਹੇ ਹਨ। ਦੋਵਾਂ ਨੇ ਆਪਣੇ ਦਿਨ ਨੂੰ ਵੱਖਰੇ ਤਰੀਕੇ ਨਾਲ ਖਾਸ ਬਣਾਇਆ ਸੀ।

ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਨੇਹਾ ਨੇ ਲਿਖਿਆ- ਹਮੇਸ਼ਾ ਲਈ। 9 ਨਵੰਬਰ. ਨੇਹਾ ਦੀ ਪੋਸਟ 'ਤੇ ਫੈਨਜ਼ ਅਤੇ ਸੈਲੇਬਸ ਕਮੈਂਟ ਕਰਕੇ ਵਧਾਈ ਦੇ ਰਹੇ ਹਨ। ਇੱਕ ਨੇ ਲਿਖਿਆ- ਤੁਹਾਨੂੰ ਦੋਵਾਂ ਨੂੰ ਬਹੁਤ-ਬਹੁਤ ਵਧਾਈਆਂ। ਜਦਕਿ ਦੂਜੇ ਨੇ ਲਿਖਿਆ- ਸਭ ਤੋਂ ਖੂਬਸੂਰਤ ਦੁਲਹਨ। ਤੁਹਾਨੂੰ ਦੱਸ ਦੇਈਏ ਕਿ ਨੇਹਾ ਅਤੇ ਰੇਸਟੀ ਦੀ ਇਸ ਸਾਲ ਮੰਗਣੀ ਹੋਈ ਸੀ। ਉਨ੍ਹਾਂ ਨੇ ਫਿਲਮੀ ਅੰਦਾਜ਼ 'ਚ ਮੰਗਣੀ ਕੀਤੀ ਸੀ।

ਨੇਹਾ ਨੇ ਰਿੰਗ ਨੂੰ ਫਲਾਂਟ ਕਰਦੇ ਹੋਏ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਨੇਹਾ ਅਤੇ ਰੇਸਟੀ ਦੀ ਮੰਗਣੀ ਕਿਸੇ ਫਿਲਮੀ ਸੀਨ ਤੋਂ ਘੱਟ ਨਹੀਂ ਸੀ। ਚਾਰੇ ਪਾਸੇ ਗੁਬਾਰੇ ਸਨ ਅਤੇ ਨੇਹਾ ਨੇ ਲਾਲ ਰੰਗ ਦਾ ਬਹੁਤ ਹੀ ਖੂਬਸੂਰਤ ਗਾਊਨ ਪਾਇਆ ਹੋਇਆ ਸੀ।