Credit Card Fraud ਦੇ ਵਧ ਰਹੇ ਹਨ ਮਾਮਲੇ, ਬਚਣ ਲਈ ਹਮੇਸ਼ਾ ਰਹੋ ਸੁਚੇਤ; ਜਾਣੋ ਟਿਪਸ

07/12/2024

ਕ੍ਰੈਡਿਟ ਕਾਰਡ ਦੇ ਮਾਧਿਅਮ ਨਾਲ ਹੁਣ ਪੇਮੈਂਟ ਆਸਾਨ ਹੋ ਗਈ ਹੈ। ਹੁਣ ਕੈਸ਼ ਨਾ ਹੋਣ ਦੇ ਬਾਅਦ ਵੀ ਪੇਮੈਂਟ ਕਰ ਸਕਦੇ ਹੋ। ਕ੍ਰੈਡਿਟ ਕਾਰਡ ਨੇ ਪੇਮੈਂਟ ਆਸਾਨ ਕੀਤੀ ਹੈ ਪਰ ਧੋਖਾਧੜੀ ਵੀ ਹੋ ਰਹੀ ਹੈ। ਅਜਿਹੇ 'ਚ ਸਲਾਹ ਦਿੱਤੀ ਜਾਂਦੀ ਹੈ ਕਿ ਕ੍ਰੈਡਿਟ ਕਾਰਡ ਦੀ ਜਾਣਕਾਰੀ ਕਦੇ ਵੀ ਕਿਸੇ ਨੂੰ ਨਾ ਦਿਓ।

ਜੇਕਰ ਕਦੇ ਕ੍ਰੈਡਿਟ ਕਾਰਡ ਦੇ ਮਾਧਿਅਮ ਨਾਲ ਧੋਖਾਧੜੀ ਹੋ ਜਾਂਦੀ ਹੈ ਤਾਂ ਤੁਹਾਨੂੰ ਸਭ ਤੋਂ ਪਹਿਲਾਂ ਕਾਰਡ ਨੂੰ ਬਲਾਕ ਕਰਨਾ ਚਾਹੀਦਾ ਹੈ। ਹਾਲ ਹੀ 'ਚ ਅਜਿਹਾ ਮਾਮਲਾ ਸਾਹਮਣੇ ਆਇਆ, ਜਿਸ 'ਚ ਕਾਰਡ ਬਲਾਕ ਹੋਣ ਤੋਂ ਮਗਰੋਂ ਵੀ ਕਾਰਡ ਯੂਜ਼ਰ ਨਾਲ ਧੋਖਾਧੜੀ ਹੋ ਗਈ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਕੀ ਕਾਰਡ ਬਲਾਕ ਹੋਣ ਤੋਂ ਬਾਅਦ ਵੀ ਧੋਖਾਧੜੀ ਹੋ ਸਕਦੀ ਹੈ। ਅਸੀਂ ਤੁਹਾਨੂੰ ਇਸ ਆਰਟੀਕਲ ਵਿਚ ਦੱਸਾਂਗੇ ਕਿ ਤੁਸੀਂ ਇਸ ਤਰ੍ਹਾਂ ਦੀ ਧੋਖਾਧੜੀ ਤੋਂ ਕਿਵੇਂ ਬਚ ਸਕਦੇ ਹੋ।

ਕਦੇ ਵੀ ਨਾ ਸ਼ੇਅਰ ਕਰੋ ਜਾਣਕਾਰੀ

ਫਾਈਨੈਸ਼ੀਅਲ ਮਾਹਰ ਵੀ ਸਲਾਹ ਦਿੰਦੇ ਹਨ ਕਿ ਕਦੇ ਵੀ ਆਪਣਾ ਕ੍ਰੈਡਿਟ ਕਾਰਡ ਨੰਬਰ, ਕਾਰਡ ਵੈਰੀਫਿਕੇਸ਼ਨ ਵੈਲਯੂ (CVV) ਤੇ Expire Date ਕਿਸੇ ਨਾਲ ਵੀ ਸ਼ੇਅਰ ਨਾ ਕਰੋ। ਜੇਕਰ ਤੁਸੀਂ ਇਹ ਡਿਟੇਲ ਸ਼ੇਅਰ ਕਰਦੇ ਹੋ ਤਾਂ ਤੁਹਾਡੇ ਨਾਲ ਧੋਖਾ ਹੋ ਸਕਦਾ ਹੈ।

ਇਸ ਤੋਂ ਇਲਾਵਾ ਜਦੋਂ ਤੁਸੀਂ ਆਨਲਾਈਨ ਸ਼ਾਪਿੰਗ ਕਰਦੇ ਹੋ ਤਾਂ ਹਮੇਸ਼ਾ ਅੰਤਰਰਾਸ਼ਟਰੀ ਗੇਟਵੇ ਰਾਹੀਂ ਆਨਲਾਈਨ ਪੇਮੈਂਟ ਕਰੋ। ਇਸ ਵਿੱਚ ਤੁਹਾਨੂੰ OTP ਰਾਹੀਂ ਪੇਮੈਂਟ ਕਰਨ ਦੀ ਲੋੜ ਨਹੀਂ ਹੁੰਦੀ ਹੈ। ਇਸ 'ਚ ਤੁਹਾਨੂੰ ਕ੍ਰੈਡਿਟ ਕਾਰਡ ਨਾਲ ਪੇਮੈਂਟ ਕਰਦੇ ਸਮੇਂ ਕਾਰਡ ਡਿਟੇਲ ਦੇਣੀ ਹੋਵੇਗੀ।

Block ਕਾਰਡ ਨਾਲ ਵੀ ਹੋ ਸਕਦਾ ਹੈ ਧੋਖਾ

ਕਿਸੇ ਵੀ ਧੋਖਾਧੜੀ ਮਾਮਲੇ ਵਿੱਚ ਤੁਹਾਨੂੰ ਕਾਰਡ ਨੂੰ ਬਲਾਕ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਪਰ ਉੱਤਰ ਪ੍ਰਦੇਸ਼ ਦੇ ਇੱਕ ਮਾਮਲੇ ਵਿੱਚ ਧੋਖਾਧੜੀ ਕਰਨ ਵਾਲੇ ਨੇ ਕਾਰਡ ਨੂੰ ਬਲਾਕ ਹੋਣ ਤੋਂ ਬਾਅਦ ਵੀ ਇਸ ਦੀ ਵਰਤੋਂ ਕੀਤੀ। ਦਰਅਸਲ ਇਸ ਮਾਮਲੇ 'ਚ ਪਤਾ ਲੱਗਾ ਹੈ ਕਿ ਕਾਰਡ ਬਿਲਕੁਲ ਵੀ ਬਲਾਕ ਨਹੀਂ ਹੋਇਆ ਸੀ। ਅਜਿਹੀ ਸਥਿਤੀ ਵਿੱਚ ਜੇਕਰ ਤੁਸੀਂ ਵੀ ਕਾਰਡ ਨੂੰ ਬਲਾਕ ਕਰਨ ਲਈ ਜਾਂਦੇ ਹੋ ਤਾਂ ਤੁਹਾਨੂੰ ਇੱਕ ਵਾਰ ਕੰਫਰਮ ਕਰਨਾ ਚਾਹੀਦੀ ਹੈ ਕਿ ਕਾਰਡ ਬਲਾਕ ਹੋਇਆ ਹੈ ਜਾਂ ਨਹੀਂ।

ਕ੍ਰੈਡਿਟ ਕਾਰਡ ਫਰਾਡ ਹੋਣ 'ਤੇ ਕੀ ਕਰੋ

ਜੇਕਰ ਤੁਹਾਡੇ ਨਾਲ ਕਦੇ ਕੋਈ ਧੋਖਾਧੜੀ ਹੁੰਦੀ ਹੈ ਤਾਂ ਤੁਹਾਨੂੰ ਜਿੰਨੀ ਜਲਦੀ ਹੋ ਸਕੇ ਸ਼ਿਕਾਇਤ ਕਰਨੀ ਚਾਹੀਦੀ ਹੈ। ਤੁਹਾਨੂੰ ਪੁਲਿਸ ਦੇ ਸਾਈਬਰ ਸੈੱਲ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ ਤਾਂ ਕਿ ਅਕਾਊਂਟ block ਹੋ ਜਾਵੇ ਤੇ ਪੁਲਿਸ ਜਾਂਚ ਸ਼ੁਰੂ ਕਰੇ।