Poonam Pandey ’ਤੇ ਭੜਕੇ Aly Goni-ਸੋਨਲ ਚੌਹਾਨ ਸਮੇਤ ਇਹ ਸਿਤਾਰੇ, ਮੌ+ਤ ਦੀ ਝੂਠੀ ਅਫਵਾਹ 'ਤੇ ਕਿਹਾ- 'ਬਾਇਕਾਟ ਕਰ ਦੇਣਾ ਚਾਹੀਦਾ'

03/02/2024

ਇੰਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ: ਸ਼ੁੱਕਰਵਾਰ ਨੂੰ ਮਾਡਲ-ਅਦਾਕਾਰਾ ਪੂਨਮ ਪਾਂਡੇ ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ’ਤੇ ਬਿਆਨ ਜਾਰੀ ਕੀਤਾ ਗਿਆ ਕਿ ਅਦਾਕਾਰਾ ਦੀ ਮੌਤ ਸਰਵਾਈਕਲ ਕੈਂਸਰ ਨਾਲ ਹੋਈ ਹੈ। ਪੂਨਮ ਦੇ ਮੈਨੇਜਰ ਨੇ ਵੀ ਇਸ ਖਬਰ ਦੀ ਪੁਸ਼ਟੀ ਕੀਤੀ ਹੈ। ਹਾਲਾਂਕਿ 3 ਫਰਵਰੀ ਨੂੰ ਪੂਨਮ ਨੇ ਖੁਦ ਵੀਡੀਓ ਸ਼ੇਅਰ ਕਰਦੇ ਹੋਏ ਕਿਹਾ ਸੀ ਕਿ ਉਹ ਜ਼ਿੰਦਾ ਹੈ ਅਤੇ ਉਸਨੇ ਇਹ ਝੂਠੀ ਅਫਵਾਹ ਸਿਰਫ਼ ਸਰਵਾਈਕਲ ਕੈਂਸਰ ਪ੍ਰਤੀ ਜਾਗਰੂਕਤਾ ਫੈਲਾਉਣ ਲਈ ਫੈਲਾਈ ਸੀ।

ਪੂਨਮ ਪਾਂਡੇ ਦੀ ਫਰਜ਼ੀ ਮੌਤ ਦੀ ਖਬਰ ਸਾਹਮਣੇ ਆਉਂਦੇ ਹੀ ਲੋਕ ਕਾਫੀ ਗੁੱਸੇ 'ਚ ਹਨ। ਪੂਨਮ ਪਾਂਡੇ ਦੀ ਇਸ ਹਰਕਤ 'ਤੇ ਬਾਲੀਵੁੱਡ ਦੀਆਂ ਮਸ਼ਹੂਰ ਹਸਤੀਆਂ ਵੀ ਨਾਰਾਜ਼ ਹਨ। ਅਲੀ ਗੋਨੀ ਤੋਂ ਲੈ ਕੇ ਸੋਨਾਲੀ ਚੌਹਾਨ ਤੱਕ ਹਰ ਕਿਸੇ ਨੇ ਸੋਸ਼ਲ ਮੀਡੀਆ 'ਤੇ ਪੂਨਮ ਪਾਂਡੇ ਦੀ ਆਲੋਚਨਾ ਕੀਤੀ ਹੈ।

ਅਲੀ ਗੋਨੀ ਨੇ ਜ਼ਾਹਰ ਕੀਤਾ ਆਪਣਾ ਗੁੱਸਾ

ਅਲੀ ਗੋਨੀ ਨੇ ਪੂਨਮ ਪਾਂਡੇ ਦੀ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਰੀਸ਼ੇਅਰ ਕੀਤਾ ਅਤੇ ਕੈਪਸ਼ਨ 'ਚ ਲਿਖਿਆ, "ਇਹ ਇੱਕ ਚੀਪ ਪਬਲੀਸਿਟੀ ਸਟੰਟ ਹੈ ਤੇ ਹੋਰ ਕੁਝ ਨਹੀਂ। ਕੀ ਤੁਸੀਂ ਲੋਕ ਸਮਝਦੇ ਹੋ ਕਿ ਇਹ ਮਜ਼ਾਕ ਹੈ? ਤੁਹਾਡਾ ਅਤੇ ਤੁਹਾਡੀ ਟੀਮ ਦਾ ਬਾਈਕਾਟ ਕੀਤਾ ਜਾਣਾ ਚਾਹੀਦਾ ਹੈ। ਬਲਡੀ ਲੂਜਰਜ਼।" ਇਸ ਤੋਂ ਇਲਾਵਾ ਅਲੀ ਨੇ ਮੀਡੀਆ ਪੋਰਟਲ 'ਤੇ ਵੀ ਆਪਣਾ ਗੁੱਸਾ ਕੱਢਿਆ ਹੈ। ਉਹ ਕਹਿੰਦਾ ਹੈ ਕਿ ਉਸ ਨੂੰ ਇਸ 'ਤੇ ਭਰੋਸਾ ਸੀ।

ਪੂਨਮ ਦੀ ਮੌਤ ਨਾਲ ਟੁੱਟ ਗਏ ਸੀ ਸ਼ਾਰਦੂਲ ਪੰਡਿਤ

ਸ਼ਾਰਦੁਲ ਪੰਡਿਤ ਨੇ ਵੀ ਇਕ ਵੀਡੀਓ ਸ਼ੇਅਰ ਕਰਕੇ ਪੂਨਮ ਦੇ ਮਜ਼ਾਕ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਸ਼ਾਰਦੁਲ ਪੰਡਿਤ ਨੇ ਕਿਹਾ ਕਿ ਇਹ ਬਿਲਕੁਲ ਵੀ ਕੂਲ ਨਹੀਂ ਹੈ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਦੇਹਾਂਤ ਦੀ ਖ਼ਬਰ ਸੁਣ ਕੇ ਉਹ ਪੂਰੀ ਤਰ੍ਹਾਂ ਟੁੱਟ ਗਏ ਸਨ। ਉਹ ਖੁਸ਼ ਹੈ ਕਿ ਪੂਨਮ ਜ਼ਿੰਦਾ ਹੈ, ਪਰ ਇਸ ਗੱਲ ਤੋਂ ਨਫ਼ਰਤ ਹੋ ਰਹੀ ਹੈ ਕਿ ਉਸ ਦੀ ਮੌਤ ਦੀ ਖ਼ਬਰ ਸੁਣ ਕੇ ਉਹ ਕਿਸ ਤਰ੍ਹਾਂ ਸੋਗ ’ਚ ਡੁੱਬ ਗਏ ਸਨ।

ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਕੋਈ ਜਾਗਰੂਕਤਾ ਨਹੀਂ ਹੈ। ਸ਼ਾਰਦੁਲ ਨੇ ਇਹ ਵੀ ਦੱਸਿਆ ਕਿ ਉਸ ਨੇ ਆਪਣੀ ਮਾਂ ਨੂੰ ਕੈਂਸਰ ਨਾਲ ਗੁਆ ਦਿੱਤਾ ਸੀ, ਜਿਸ ਤੋਂ ਬਾਅਦ ਉਹ ਡਿਪ੍ਰੈਸ਼ਨ ਵਿੱਚ ਚਲਾ ਗਿਆ ਸੀ।

ਸੋਨਲ ਚੌਹਾਨ ਨੇ ਫਰਜ਼ੀ ਮੌਤ ਦੀ ਖਬਰ ਨੂੰ ਬੇਸ਼ਰਮ ਦੱਸਿਆ

'ਜੰਨਤ' ਅਦਾਕਾਰਾ ਸੋਨਲ ਚੌਹਾਨ ਨੇ ਐਕਸ 'ਤੇ ਪੋਸਟ ਕਰਕੇ ਪੂਨਮ ਪਾਂਡੇ ਦੀ ਫਰਜ਼ੀ ਮੌਤ ਦੀ ਖਬਰ 'ਤੇ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਸੋਨਮ ਨੇ ਕਿਹਾ, "ਬਿਲਕੁਲ ਸ਼ਰਮਨਾਕ !!! ਇੱਕ ਬਿਲਕੁਲ ਨਵਾਂ ਨੀਵਾਂ ਪੱਧਰ। ਮੌਤ ਕੋਈ ਮਜ਼ਾਕ ਨਹੀਂ ਹੈ। ਸਸਤੀ ਤੇ ਇੰਨੇ ਮਾੜੇ ਸੁਆਦ। ਕਿਤੇ ਇੱਕ ਲਾਈਨ ਖਿੱਚਣ ਦੀ ਜ਼ਰੂਰਤ ਹੈ।"

ਪੂਨਮ ਪਾਂਡੇ 'ਤੇ ਭੜਕੇ ਰਾਹੁਲ ਵੈਦਿਆ

ਰਾਹੁਲ ਵੈਦਿਆ ਪਹਿਲਾਂ ਹੀ ਮੰਨ ਰਹੇ ਸਨ ਕਿ ਇਹ ਸਿਰਫ਼ ਪਬਲੀਸਿਟੀ ਸਟੰਟ ਸੀ। ਹੁਣ ਸਭ ਨੂੰ ਸਪੱਸ਼ਟ ਕਰਦੇ ਹੋਏ, ਗਾਇਕ ਨੇ ਕਿਹਾ, "ਅਤੇ ਮੈਂ ਸਹੀ ਸੀ। ਹੁਣ ਜਦੋਂ ਪੂਨਮ ਜ਼ਿੰਦਾ ਹੈ, ਮੈਂ RIP PR ਅਤੇ ਮਾਰਕੀਟਿੰਗ ਕਹਿ ਸਕਦਾ ਹਾਂ। ਵਾਇਰਲ ਮੁਹਿੰਮਾਂ ਅਤੇ ਸਨਸਨੀ ਪੈਦਾ ਕਰਨਾ ਸਭ ਤੋਂ ਨੀਵਾਂ ਪੱਧਰ ਹੈ। ਕਲਯੁਗ ਵਿੱਚ ਤੁਹਾਡਾ ਸੁਆਗਤ ਹੈ।"

ਪੂਨਮ ਪਾਂਡੇ ਤੋਂ ਨਾਰਾਜ਼ ਹੋਈ ਰਾਖੀ ਸਾਵੰਤ

ਪੂਨਮ ਪਾਂਡੇ ਦੀ ਮੌਤ ਦੀ ਖਬਰ ਸੁਣ ਕੇ ਰਾਖੀ ਸਾਵੰਤ ਵੀ ਹੈਰਾਨ ਰਹਿ ਗਈ। ਹੁਣ ਜਦੋਂ ਖਬਰ ਆਈ ਹੈ ਕਿ ਅਦਾਕਾਰਾ ਜ਼ਿੰਦਾ ਹੈ ਤਾਂ ਰਾਖੀ ਨੇ ਆਪਣੇ ਦੋਸਤ ਨੂੰ ਤਾੜਨਾ ਕੀਤੀ ਹੈ। ਰਾਖੀ ਨੇ ਕਿਹਾ ਕਿ ਅਜਿਹਾ ਕੌਣ ਕਰਦਾ ਹੈ। ਉਸ ਨੇ ਕਿਹਾ, "ਕੀ ਕੋਈ ਇਸ ਤਰ੍ਹਾਂ ਦੀਆਂ ਗੰਦਾ ਪ੍ਰੈਂਕ ਕਰਦਾ ਹੈ? ਤੁਹਾਨੂੰ ਪਤਾ ਹੈ ਕਿ ਮੈਂ ਕੱਲ੍ਹ ਤੋਂ ਕਿੰਨੀ ਉਦਾਸ ਸੀ। ਮੈਂ ਤੁਹਾਡੇ ਲਈ ਰੋ ਰਹੀ ਸੀ।"