ਮਹਿੰਗਾਈ ਦਾ ਝਟਕਾ! ਦੇਸ਼ ਭਰ 'ਚ ਵਧੀਆਂ LPG ਸਿਲੰਡਰ ਦੀਆਂ ਕੀਮਤਾਂ, ਜਾਣੋ ਨਵੇਂ ਭਾਅ

01/03/2025

ਤੇਲ ਕੰਪਨੀਆਂ ਨੇ 1 ਮਾਰਚ 2025 ਤੋਂ 19 ਕਿੱਲੋ ਦੇ ਵਪਾਰਕ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਵਾਧਾ ਕੀਤਾ ਹੈ। ਦਿੱਲੀ ਤੋਂ ਕੋਲਕਾਤਾ ਤੱਕ ਵਪਾਰਕ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ 6 ਰੁਪਏ ਦਾ ਵਾਧਾ ਕੀਤਾ ਗਿਆ ਹੈ।

ਹਾਲਾਂਕਿ, ਜੇਕਰ ਅਸੀਂ ਪਿਛਲੇ ਪੰਜ ਸਾਲਾਂ ਵਿੱਚ ਵਪਾਰਕ ਐਲਪੀਜੀ ਸਿਲੰਡਰਾਂ ਦੀ ਕੀਮਤ ਦੇ ਰੁਝਾਨ ਨੂੰ ਵੇਖੀਏ ਤਾਂ ਮਾਰਚ 2025 ਵਿੱਚ ਸਭ ਤੋਂ ਘੱਟ ਵਾਧਾ ਹੋਇਆ ਹੈ।

ਇੰਡੀਅਨ ਆਇਲ ਦੁਆਰਾ ਜਾਰੀ ਕੀਤੇ ਗਏ ਨਵੇਂ ਰੇਟ ਅਨੁਸਾਰ, 1 ਮਾਰਚ, 2025 ਤੋਂ, ਦਿੱਲੀ ਵਿੱਚ 19 ਕਿਲੋ ਦੇ ਵਪਾਰਕ ਐਲਪੀਜੀ ਸਿਲੰਡਰ ਦੀ ਕੀਮਤ 1803 ਰੁਪਏ ਹੋ ਜਾਵੇਗੀ, ਜੋ ਫਰਵਰੀ ਵਿੱਚ 1797 ਰੁਪਏ ਵਿੱਚ ਉਪਲਬਧ ਸੀ। ਜਨਵਰੀ 'ਚ ਇਸ ਦੀ ਕੀਮਤ 1084 ਰੁਪਏ ਸੀ।

ਕੋਲਕਾਤਾ ਅਤੇ ਮੁੰਬਈ ਵਿੱਚ ਕੀਮਤ ਕੀ ਹੈ?

ਕੋਲਕਾਤਾ 'ਚ ਵਪਾਰਕ LPG ਸਿਲੰਡਰ ਦੀ ਕੀਮਤ ਹੁਣ 1913 ਰੁਪਏ ਹੋ ਗਈ ਹੈ। ਫਰਵਰੀ 'ਚ ਇਸ ਦੀ ਕੀਮਤ 1911 ਰੁਪਏ ਤੋਂ ਘੱਟ ਕੇ 1907 ਰੁਪਏ 'ਤੇ ਆ ਗਈ ਸੀ। ਹੁਣ ਇਹ ਸਿਲੰਡਰ ਮਹਾਨਗਰ ਮੁੰਬਈ ਵਿੱਚ 1755.50 ਰੁਪਏ ਵਿੱਚ ਮਿਲੇਗਾ। ਫਰਵਰੀ 'ਚ ਇਸ ਦੀ ਕੀਮਤ 1749.50 ਰੁਪਏ ਅਤੇ ਜਨਵਰੀ 'ਚ ਇਸ ਦੀ ਕੀਮਤ 1756 ਰੁਪਏ ਸੀ।

ਘਰੇਲੂ LPG ਸਿਲੰਡਰ ਦੀ ਕੀਮਤ ਕੀ ਹੈ?

ਤੁਹਾਨੂੰ ਦੱਸ ਦੇਈਏ ਕਿ ਘਰੇਲੂ ਐਲਪੀਜੀ ਸਿਲੰਡਰ ਦੀਆਂ ਕੀਮਤਾਂ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ। 1 ਮਾਰਚ 2025 ਨੂੰ ਵੀ ਇਸ ਦੀ ਕੀਮਤ 803 ਰੁਪਏ ਹੈ। ਕੋਲਕਾਤਾ ਵਿੱਚ ਇਹ 829 ਰੁਪਏ ਅਤੇ ਮੁੰਬਈ ਵਿੱਚ 802.50 ਰੁਪਏ ਹੈ।