1.10 ਲੱਖ ਰੁਪਏ ਤੱਕ ਸਸਤੀਆਂ ਹੋਣਗੀਆਂ ਮਾਰੂਤੀ ਦੀਆਂ ਕਾਰਾਂ, ਆ ਗਏ ਨਵੇਂ ਰੇਟ
- Sep 17, 2025
- 2 min read
17/09/2025
ਸਰਕਾਰ ਨੇ ਜੀਐਸਟੀ ਦਰਾਂ ਘਟਾ ਦਿੱਤੀਆਂ ਹਨ, ਜਿਸ ਨਾਲ ਖਾਣ-ਪੀਣ ਵਾਲੀਆਂ ਚੀਜ਼ਾਂ ਤੋਂ ਲੈ ਕੇ ਕਾਰਾਂ ਤੱਕ ਹਰ ਚੀਜ਼ ਦੀਆਂ ਕੀਮਤਾਂ ਵਿੱਚ ਗਿਰਾਵਟ ਆਵੇਗੀ। ਕਈ ਆਟੋਮੋਬਾਈਲ ਕੰਪਨੀਆਂ ਪਹਿਲਾਂ ਹੀ ਆਪਣੀਆਂ ਕਾਰਾਂ ਦੀਆਂ ਨਵੀਆਂ ਕੀਮਤਾਂ ਦਾ ਐਲਾਨ ਕਰ ਚੁੱਕੀਆਂ ਹਨ। ਹੁਣ, ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ, ਮਾਰੂਤੀ ਸੁਜ਼ੂਕੀ ਇੰਡੀਆ ਨੇ ਵੀ ਆਪਣੇ ਜ਼ਿਆਦਾਤਰ ਮਾਡਲਾਂ ਦੀਆਂ ਨਵੀਆਂ ਕੀਮਤਾਂ ਦਾ ਐਲਾਨ ਕੀਤਾ ਹੈ। ਮਾਰੂਤੀ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਜੀਐਸਟੀ ਦਰ ਵਿੱਚ ਕਟੌਤੀ ਕਾਰਨ ਉਸਦੀਆਂ ਕਾਰਾਂ ਦੀਆਂ ਕੀਮਤਾਂ ₹1.10 ਲੱਖ ਤੱਕ ਘਟ ਗਈਆਂ ਹਨ।
ਮਾਰੂਤੀ ਸੁਜ਼ੂਕੀ ਦੇ ਅਨੁਸਾਰ, ਕਾਰ ਖਰੀਦਦਾਰਾਂ ਨੂੰ ਨਵੀਆਂ ਜੀਐਸਟੀ ਦਰਾਂ ਲਾਗੂ ਹੋਣ ਤੋਂ ਬਾਅਦ ਫਾਇਦਾ ਹੋਵੇਗਾ। ਮਾਰੂਤੀ ਨੇ ਕਿਹਾ ਹੈ ਕਿ ਜੀਐਸਟੀ ਕਟੌਤੀ ਤੋਂ ਬਾਅਦ ਸਵਿਫਟ, ਡਿਜ਼ਾਇਰ, ਬਲੇਨੋ, ਫ੍ਰੈਂਕਸ ਅਤੇ ਬ੍ਰੇਜ਼ਾ ਦੀਆਂ ਕੀਮਤਾਂ 1.10 ਲੱਖ ਰੁਪਏ ਤੱਕ ਘੱਟ ਜਾਣਗੀਆਂ। ਜੀਐਸਟੀ ਦੀਆਂ ਨਵੀਆਂ ਦਰਾਂ 22 ਸਤੰਬਰ ਤੋਂ ਲਾਗੂ ਹੋਣਗੀਆਂ। ਸਰਕਾਰ ਨੇ ਕਾਰਾਂ ‘ਤੇ ਜੀਐਸਟੀ ਦਰ 28% ਤੋਂ ਘਟਾ ਕੇ 18% ਕਰ ਦਿੱਤੀ ਹੈ।
ਕਿਹੜੀ ਕਾਰ ਕਿਹੜੇ ਸ਼ੋਅਰੂਮ ਵਿੱਚ?
ਸਾਰੀਆਂ ਮਾਰੂਤੀ ਕਾਰਾਂ ਅਰੇਨਾ ਅਤੇ ਨੈਕਸਾ ਡੀਲਰਸ਼ਿਪਾਂ ਰਾਹੀਂ ਵੇਚੀਆਂ ਜਾਂਦੀਆਂ ਹਨ। ਅਰੇਨਾ ਡੀਲਰਸ਼ਿਪਾਂ Alto K10, S-Presso, WagonR, Celerio, Eeco, Swift, Dzire, Brezza ਅਤੇ Ertiga ਵਰਗੀਆਂ ਕਾਰਾਂ ਵੇਚਦੀਆਂ ਹਨ। Ignis, Baleno, Fronx, Jimny, Grand Vitara, XL6 ਅਤੇ Invicto ਵਰਗੇ ਨੈਕਸਾ ਮਾਡਲ ਨੈਕਸਾ ਡੀਲਰਸ਼ਿਪਾਂ ਰਾਹੀਂ ਵੇਚੇ ਜਾਂਦੇ ਹਨ। ਮਾਰੂਤੀ ਦੇ ਦੇਸ਼ ਵਿੱਚ 4,000 ਅਰੇਨਾ ਸ਼ੋਅਰੂਮ ਹਨ, ਜਦੋਂ ਕਿ ਨੈਕਸਾ ਦੇ 700 ਸ਼ੋਅਰੂਮ ਹਨ।
ਏਰਿਨਾ ਦੀ ਕਿਹੜੀ ਕਾਰ ਕਿੰਨੀ ਸਸਤੀ
Alto K10 Rs 52,910
S-Presso Rs 52,143
WagonR Rs 63,911
Celerio Rs 62,845
Eeco Rs 67,929
Swift Rs 80,966
Dzire Rs 86,892
Brezza Rs 48,207
Ertiga Rs 46,224
ਨੇਕਸਾ ਦੀ ਕਿਹੜੀ ਕਾਰ ਕਿੰਨੀ ਸਸਤੀ
Ignis Rs 69,240
Baleno Rs 80,667
Fronx Rs 1,10,384
Jimny Rs 51,052
Vitara Rs 67,724
XL6 Rs 51,155
Invicto Rs 61,301
ਹੁਣ ਕਿੰਨ ਟੈਕਸ ਲੱਗੇਗਾ ਜੀਐਸਟੀ ਦਰਾਂ ਵਿੱਚ ਕਟੌਤੀ ਤੋਂ ਬਾਅਦ, ਨਵੀਂ ਦਰ 28 ਪ੍ਰਤੀਸ਼ਤ ਦੀ ਬਜਾਏ 18 ਪ੍ਰਤੀਸ਼ਤ ਹੈ। ਛੋਟੀਆਂ ਕਾਰਾਂ, ਸੇਡਾਨ ਅਤੇ ਕੰਪੈਕਟ ਐਸਯੂਵੀ ਹੁਣ 18 ਪ੍ਰਤੀਸ਼ਤ ਜੀਐਸਟੀ ਦਰ ਦੇ ਅਧੀਨ ਹਨ। ਇਸ ਤੋਂ ਇਲਾਵਾ, 22 ਪ੍ਰਤੀਸ਼ਤ ਸੈੱਸ ਵੀ ਲਗਾਇਆ ਜਾਂਦਾ ਹੈ। ਇਸ ਤਰ੍ਹਾਂ, ਜਿਨ੍ਹਾਂ ਕਾਰਾਂ ‘ਤੇ ਪਹਿਲਾਂ 50 ਪ੍ਰਤੀਸ਼ਤ ਟੈਕਸ ਹੁੰਦਾ ਸੀ, ਉਨ੍ਹਾਂ ‘ਤੇ ਹੁਣ ਸਿਰਫ 40 ਪ੍ਰਤੀਸ਼ਤ ਟੈਕਸ ਲੱਗੇਗਾ, ਜਿਸ ਨਾਲ ਕੀਮਤਾਂ ਕਈ ਹਜ਼ਾਰ ਰੁਪਏ ਘੱਟ ਜਾਣਗੀਆਂ।
Comments