8-8 ਫੁੱਟ ਤੱਕ ਖੋਲ੍ਹੇ ਗਏ ਭਾਖੜਾ ਡੈਮ ਦੇ ਗੇਟ, ਮੁੜ ਤੋਂ ਵੱਜਿਆ ਹੂਟਰ, ਹੜ੍ਹ ਵਰਗੇ ਹੋ ਸਕਦੇ ਨੇ ਹਾਲਾਤ

04/09/2025

ਭਾਖੜਾ ਬੀਅਸ ਮੈਨੇਜਮੈਂਟ ਬੋਰਡ (BBMB) ਨੇ ਗੋਬਿੰਦ ਸਾਗਰ ਝੀਲ ਵਿੱਚ ਤੇਜ਼ ਇਨਫ਼ਲੋ ਕਾਰਨ ਭਾਖੜਾ ਡੈਮ ਦੇ ਫ਼ਲੱਡਗੇਟ 8-8 ਫੁੱਟ ਤੱਕ ਖੋਲ੍ਹ ਦਿੱਤੇ ਹਨ। ਪਾਣੀ ਦੀ ਛੋੜ 65 ਹਜ਼ਾਰ ਕਿਊਸੈਕ ਤੋਂ ਵਧਾ ਕੇ ਲਗਭਗ 75 ਹਜ਼ਾਰ ਕਿਊਸੈਕ ਤੱਕ ਕੀਤੀ ਜਾ ਰਹੀ ਹੈ, ਜਿਸ ਕਰਕੇ ਸਤਲੁਜ ਦਰਿਆ ਦੇ ਕਿਨਾਰੇ ਵੱਸਦੇ ਨੀਚਲੇ ਪਿੰਡਾਂ ਲਈ ਅਲਰਟ ਜਾਰੀ ਕੀਤਾ ਗਿਆ ਹੈ।

ਜ਼ਿਲ੍ਹਾ ਪ੍ਰਸ਼ਾਸਨਾਂ ਵੱਲੋਂ ਰੂਪਨਗਰ/ਰੋਪੜ ਬੈਲਟ ਦੇ ਬੇਲਾ ਇਲਾਕਿਆਂ ਸਮੇਤ ਕਈ ਪਿੰਡਾਂ ਵਿੱਚ ਲੋਕਾਂ ਨੂੰ ਸੁਰੱਖਿਅਤ ਥਾਵਾਂ ਵੱਲ ਖਿਸਕਣ, ਦਰਿਆਈ ਪੱਟੀ ਤੋਂ ਦੂਰ ਰਹਿਣ ਅਤੇ ਪ੍ਰਸ਼ਾਸਨ ਨਾਲ ਸਹਿਯੋਗ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਫੌਜੀ ਇੰਜੀਨੀਅਰਿੰਗ ਟੀਮਾਂ ਅਤੇ ਸਥਾਨਕ ਵਲੰਟੀਅਰਾਂ ਦੀ ਮਦਦ ਨਾਲ ਬੜ੍ਹਾਂ-ਬੰਨ੍ਹਾਂ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ।