ਮਤਰੇਏ ਪਿਓ ਨੇ ਮਿੱਤਰਾਂ ਨਾਲ ਮਿਲ ਕੇ ਛੇ ਸਾਲਾਂ ਤਕ ਕੀਤਾ ਬੇਟੀ ਨਾਲ ਜਬ*ਰ-ਜਨਾ*ਹ ਤੇ ਮਾਂ ਵੀ ਪਿਤਾ ਦਾ ਸਹਿਯੋਗ...

26/05/2025

ਰਾਜਸਥਾਨ ਦੇ ਚਿੱਤੌੜਗੜ੍ਹ ਤੋਂ ਰਿਸ਼ਤਿਆਂ ਨੂੰ ਸ਼ਰਮਸਾਰ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਇਕ ਮਤਰੇਏ ਪਿਓ ਨੇ ਆਪਣੇ ਪੰਜ ਮਿੱਤਰਾਂ ਨਾਲ ਮਿਲ ਕੇ ਇਕ ਨਾਬਾਲਗ ਕੁੜੀ ਨਾਲ ਛੇ ਸਾਲਾਂ ਤੱਕ ਜਬਰ ਜਨਾਹ ਕੀਤਾ। ਜਾਣਕਾਰੀ ਮੁਤਾਬਕ, ਇਸ ਘਟਨਾ ਵਿਚ ਉਸ ਦੀ ਮਾਂ ਵੀ ਪਿਤਾ ਦਾ ਸਹਿਯੋਗ ਕਰਦੀ ਰਹੀ। ਬੂੰਦੀ ਪੁਲਿਸ ਨੇ ਇਸ ਮਾਮਲੇ ਵਿਚ ਰਿਪੋਰਟ ਦਰਜ ਕਰਕੇ ਮਾਮਲਾ ਚਿੱਤੌੜਗੜ੍ਹ ਪੁਲਿਸ ਨੂੰ ਸੌਂਪ ਦਿੱਤਾ ਹੈ। ਨਾਬਾਲਗ ਨੂੰ ਚਿੱਤੌੜਗੜ੍ਹ ਜ਼ਿਲ੍ਹੇ ਦੀ ਬਾਲ ਕਲਿਆਣ ਸਮਿਤੀ ਨੂੰ ਸੌਂਪਿਆ ਗਿਆ ਹੈ।

ਜਾਣਕਾਰੀ ਅਨੁਸਾਰ, ਪਿਤਾ ਦੀਆਂ ਹਰਕਤਾਂ ਤੋਂ ਪਰੇਸ਼ਾਨ ਹੋ ਕੇ ਨਾਬਾਲਗ ਪਹਿਲਾਂ ਦਿੱਲੀ ਅਤੇ ਫਿਰ ਮੁੰਬਈ ਚਲੀ ਗਈ। ਦੋਹਾਂ ਸ਼ਹਿਰਾਂ ਵਿਚ ਕਈ ਦਿਨਾਂ ਤੱਕ ਭਟਕਣ ਦੇ ਬਾਅਦ, ਨਾਬਾਲਗ ਦੋ ਦਿਨ ਪਹਿਲਾਂ ਇਕ ਟ੍ਰੇਨ ਵਿਚ ਬੈਠ ਕੇ ਬੂੰਦੀ ਪਹੁੰਚੀ। ਬੂੰਦੀ ਦੇ ਇਕ ਪਾਰਕ ਵਿਚ ਨਾਬਾਲਗ ਨੂੰ ਰਾਤ ਦੇ ਦੇਰ ਤੱਕ ਬੈਠੇ ਦੇਖ ਕੇ ਪੁਲਿਸਕਰਮੀਆਂ ਨੇ ਪੁੱਛਗਿੱਛ ਕੀਤੀ, ਤਾਂ ਉਸ ਨੇ ਪੂਰੀ ਘਟਨਾ ਦਾ ਰਾਜ਼ ਖੋਲ੍ਹ ਦਿੱਤਾ। ਜ਼ਿਲ੍ਹਾ ਪੁਲਿਸ ਅਧਿਕਾਰੀ ਰਾਜੇਂਦਰ ਮੀਣਾ ਨੇ ਦੱਸਿਆ ਕਿ ਨਾਬਾਲਿਗ ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ ਪਿਤਾ ਦੀ ਮੌਤ ਦੇ ਬਾਅਦ, ਲਗਪਗ ਛੇ ਸਾਲ ਪਹਿਲਾਂ ਮਾਂ ਨੇ ਇਕ ਵਿਅਕਤੀ ਨਾਲ ਦੂਜਾ ਵਿਆਹ ਕਰ ਲਿਆ ਸੀ।