ਰਾਤ ਨੂੰ ਪ੍ਰੇਮੀ ਨਾਲ ਨਾਬਾਲਗ ਧੀ ਨੂੰ ਦੇਖ ਕੇ ਬੁਖ਼ਲਾਇਆ ਪਿਓ, ਕੁਹਾੜੀ ਨਾਲ ਵੱਢੀ ਧੌਣ

21/08/2025

ਯੂਪੀ ਦੇ ਫਿਰੋਜ਼ਾਬਾਦ 'ਚ ਆਨਰ ਕਿਲਿੰਗ ਦਾ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਕ ਪਿਤਾ ਨੇ ਆਪਣੀ ਧੀ ਦੀ ਕੁਹਾੜੀ ਨਾਲ ਗਲਾ ਵੱਢ ਕੇ ਹੱਤਿਆ ਕਰ ਦਿੱਤੀ। ਦਸ ਦਈਏ ਕਿ ਸੋਮਵਾਰ ਅੱਧੀ ਰਾਤ ਨੂੰ ਧੀ ਘਰੋਂ ਗਾਇਬ ਹੋ ਗਈ ਤੇ ਖੇਤ 'ਚ ਆਪਣੇ ਪ੍ਰੇਮੀ ਦੇ ਨਾਲ ਦਿਖਾਈ ਦਿੱਤੀ। ਗੁੱਸੇ 'ਚ ਆਏ ਪਿਤਾ ਨੇ ਹਮਲਾ ਕਰ ਦਿੱਤਾ ਅਤੇ ਲਾਸ਼ ਨੂੰ ਖੇਤ 'ਚ ਛੱਡ ਕੇ ਘਰ ਵਾਪਸ ਆ ਗਿਆ। ਸਵੇਰੇ ਪਿੰਡ ਵਾਸੀਆਂ ਨੇ ਲਾਸ਼ ਦੇਖੀ ਤਾਂ ਤਰਥੱਲੀ ਮਚ ਗਈ। ਪੁਲਿਸ ਨੇ ਦੋਸ਼ੀ ਪਿਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਹਮਲੇ ਨਾਲ ਨੇਹਾ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਲਾਸ਼ ਨੂੰ ਖੇਤ 'ਚ ਛੱਡ ਕੇ ਇੰਦਰਪਾਲ ਘਰ ਵਾਪਸ ਆ ਗਏ ਤੇ ਸੌਂ ਗਏ। ਪਿੰਡ ਵਾਲਿਆਂ ਨਾਲ ਪੁੱਛਤਾਛ ਵਿਚ ਸਾਹਮਣੇ ਆਇਆ ਕਿ ਨੇਹਾ ਦਾ ਗੁਆਂਢੀ ਪਿੰਡ ਦੇ ਇਕ ਨੌਜਵਾਨ ਨਾਲ ਪ੍ਰੇਮ ਸੰਬੰਧ ਸੀ। ਪੁਲਿਸ ਨੇ ਜਦੋਂ ਇੰਦਰਪਾਲ ਨਾਲ ਕੜੀ ਪੁੱਛਤਾਛ ਕੀਤੀ ਤਾਂ ਉਨ੍ਹਾਂ ਨੇ ਪਹਿਲਾਂ ਟਾਲਮਟੋਲ ਕੀਤਾ, ਪਰ ਬਾਅਦ ਵਿਚ ਹੱਤਿਆ ਦੀ ਗੱਲ ਸਵੀਕਾਰ ਕਰ ਲਈ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਧੀ ਦੇ ਸੰਬੰਧਾਂ ਕਾਰਨ ਬਦਨਾਮੀ ਹੋ ਰਹੀ ਸੀ ਅਤੇ ਗੁੱਸੇ ਵਿਚ ਉਨ੍ਹਾਂ ਨੇ ਹਤਿਆ ਕਰ ਦਿੱਤੀ।